History

Miniatuurperde op Buttermead

Miniatuurperde het hul verskyning gedurende 1986 op Buttermead gemaak
met die eerste twee hingsies, Sikspens en Tiekie as troetelperde vir Willem.
In 1989 word die eerste twee merries, Penny en Oortjies, tot die kudde
gevoeg en van daar het die teling met Miniatuurperde op Buttermead begin.
Later is nog teelmerries aangekoop en in 2003 word die Eduan Miniatuurperdstoet
geregistreer. Tans word daar ook van ingevoerde bloedlyne in die stoet gebruik
gemaak, wat uit ongeveer 30 teelmerries, twee stoet hingste en ‘n aantal jong
perde en reuns bestaan.

Ons poog om ‘n geharde miniatuurperd te teel wat aangepas is onder alle
omstandighede, maar nog steeds goeie konformasie, beweging, temperament
en vrugbaarheid handhaaf. Die uitdaging bly om die volmaakte perd so klein as
moontlik te teel.

Ons Beleid is om slegs Teelmateriaal aan ander Telers Beskikbaar te stel wat
ons in ons eie kuddde sal gebruik.